РЭПРЭЗЕНТАЦЫЯ МАДЭЛЯЎ ЛЮБОЎНЫХ І СЯМЕЙНЫХ УЗАЕМААДНОСІН У БЕЛАРУСКАЙ І КІТАЙСКАЙ ЛІНГВАКУЛЬТУРАХ

Анатацыя

У сучасных умовах глабалізацыі лінгвакультуралагічныя даследаванні набываюць асаблівую актуальнасць, спрыяючы разуменню культурных асаблівасцей розных народаў. У даследаванні параўноўваюцца мадэлі любоўных і сямейных адносін у беларускай і кітайскай лінгвакультурах праз аналіз фразеалагізмаў і прымавак. Выяўлены асноўныя ролевыя мадэлі («закаханы – закаханая», «муж – жонка», «дзеці – бацькі»), а таксама іх культурная спецыфіка: беларуская мадэль адлюстроўвае хрысціянскія традыцыі з акцэнтам на выбар і прагматызм, а кітайская – канфуцыянскія нормы з іерархіяй і сімвалічнай вобразнасцю. Вызначаны як універсальныя рысы (важнасць гармоніі ў сям’і, пашана да бацькоў), так і культурныя адрозненні (роля сацыяльнага статусу, гендарныя стэрэатыпы).