Роля жаночых вобразаў у выяўленні аксіялагічнага зместу аповесцяў В. Быкава

Анатацыя

Асэнсоўваецца аксіялагічны змест аповесцяў В. Быкава, вызначаюцца спосабы рэпрэзентацыі біблейскай сімволікі ў творчасці пісьменніка, даследуецца тыпалогія жаночых вобразаў і вызначаецца іх роля ў выяўленні аўтарскай пазіцыі мастака слова. Выяўлена, што жаночыя вобразы складаюць эмацыйны і сэнсавы цэнтр прозы мастака-воіна. Пісьменнік пераканаўча паказвае, што ў крызісных абставінах мужчына і жанчына самавызначаюцца па-рознаму, жаночыя вобразы ў творах В. Быкава становяцца маральным камертонам для дзеянняў персанажаў-мужчын.