Творчае засваенне італьянскай літаратуры Плакідам Янкоўскім

Аннотация

Артыкул прысвечаны рэцэпцыі італьянскай літаратуры ў творчасці Плакіда Янкоўскага (1810– 1872). Гэты ўраджэнец Беларусі і цяперашняй Брэстчыны акрамя таго, што пераклаў на польскую мову трактат «O obowiazkach ludzi» («Пра абавязкі людзей») Сільвіа Пеліка і першы том гістарычнага рамана «Narzeczeni» («Заручаныя») Алесандра Мандзоні, ва ўласных творах неаднаразова звяртаўся да спадчыны такіх волатаў італьянскага мастацтва слова, як Дантэ Аліг’еры, Франчэска Петрарка, Лудавіка Арыёста, П’етра Метастазіа. У артыкуле разглядаецца, як у творах П. Янкоўскага прадстаўлены названыя італьянскія пісьменнікі, і робіцца спроба высветліць матывацыю звароту да іх творчасці.