Фанетычная адаптацыя іншамоўных запазычанняў у сучаснай беларускай мове

Аннотация

Разглядаюцца асаблівасці фанетычнай адаптацыі запазычанняў з англійскай, французскай і нямецкай моў у сучаснай беларускай мове. Для перадачы галосных гукаў характэрна канвергенцыя, таму што ў мовах-донарах больш разгалінаваная сістэма галосных гукаў. Для перадачы зычных гукаў уласціва дывергенцыя па прычыне адсутнасці проціпастаўлення па цвёрдасці-мяккасці ў вышэйназваных мовах. Акрамя таго, пры адаптацыі іншамоўных запазычанняў адлюстроўваюцца такія беларускія фанетычныя з’явы, як аканне, зацвярдзеласць зычных [дж], [ж], [р], [ц], [ч], [ш], дзеканне, цеканне (у асобных выпадках).