Дзіцячыя дамы на тэрыторыі Івацэвіцкага раёна ў другой палове 1940-х – 1950-я гады

Анатацыя

Адной з вострых праблем сучаснага грамадства з’яўляецца праблема сіроцтва, у першую чаргу сацыяльнага. Апошнім часам Рэспубліка Беларусь ажыццяўляе адпаведныя мерапрыемствы структурна-арганізацыйнага характару. У сістэме выхавання дзяцей-сірот і дзяцей, якія засталіся без апекі бацькоў, значнае месца займаюць дзіцячыя дамы. Прадметам дадзенага артыкула з’яўляюцца сацыяльна-эканамічныя, вучэбна-метадычныя і арганізацыйна-кадравыя аспекты дзейнасці дзіцячых дамоў на тэрыторыі сучаснага Івацэвіцкага раёна, якія асвятляюцца на падставе архіўных матэрыялаў, што ўпершыню ўводзяцца ў навуковы ўжытак. Аналізуюцца і іншыя аспекты дзейнасці дзіцячых дамоў на тэрыторыі Івацэвіцкага раёна ў другой палове 1940-х – 1950-я гады.