Гістарыяграфічны агляд сацыяльна-эканамічнага развіцця Драгічынскага павета Палескага ваяводства ў 1921–1939 гг.

Анатацыя

На сучасным этапе развіцця айчыннай гістарычнай навукі назіраецца актывізацыя ўвагі да вывучэння розных аспектаў гісторыі Заходняй Беларусі ў 1921–1939 гг. Разам з тым для цэласнага разумення такога надзвычай супярэчлівага перыяду айчыннай гісторыі неабходна наблізіць разглядаемыя падзеі да простага чалавека і на ўзроўні асобных рэгіёнаў разгледзець іх уплыў на яго побыт і паўсядзённасць. У сувязі з гэтым у артыкуле паказана даследаванне сацыяльна-эканамічнага развіцця на прыкладзе Драгічынскага павета Палескага ваяводства.