Фарміраванне і рэпрэзентатыўны патэнцыял фонду Прадстаўніцтва Цэнтральнага камітэта Камуністычнай партыі Заходняй Беларусі ў Нацыянальным архіве Рэспублікі Беларусь

Анатацыя

На аснове архіўных дакументаў адлюстравана гісторыя стварэння Прадстаўніцтва Цэнтральнага камітэта Камуністычнай партыі Заходняй Беларусі (КПЗБ) пры ЦК КПБ(б) і фарміравання яго фонду ў Нацыянальным архіве Рэспублікі Беларусь, пададзены палітычныя фактары, якія ўплывалі на арганізацыйна-тэхнічнае забеспячэнне рэвалюцыйнага руху Заходняй Беларусі 1921–1939 гг. і стварэнне ўстаноў па яго інфармацыйна-аналітычным забеспячэнні, адлюстраваны тэматычны дыяпазон адкладзеных у фондзе дакументальных крыніц, акрэслены рэпрэзентатыўныя магчымасці гэтага архіўнага масіва. Адзначана, што Прадстаўніцтва КПЗБ кантралявала спецыяльныя навуковыя ўстановы ў БССР па вывучэнні заходнебеларускага краю і было ключавой структурай па арганізацыі рэвалюцыйнавызваленчага руху ў Заходняй Беларусі ў 1921–1939 гг., у выніку чаго быў створаны масіў крыніц, акумуляваных у фондзе 242п Нацыянальнага архіва Рэспублікі Беларусь як калекцыі змястоўных дакументаў, якія маюць вялікі рэпрэзентатыўны патэнцыял для даследавання гісторыі і гістарыяграфіі гісторыі Заходняй Беларусі 1921–1939 гг.