Стан лясной прамысловасці Заходняй Беларусі ў 1921–1939 гг.

Анатацыя

У артыкуле на аснове розных гістарычных крыніц даецца характарыстыка лясной прамысловасці Заходняй Беларусі ў 1921–1939 гг., раскрываецца яе роля ў эканамічным жыцці заходнебеларускіх зямель і Польшчы ў цэлым. На аснове багатага фактычнага матэрыялу паказана развіццё лясной прамысловасці Заходняй Беларусі ў 1921–1939 гг. Вызначаны асаблівасці дзейнасці асноўных галін лясной прамысловасці заходнебеларускіх зямель: лесанарыхтоўчай, лесапільнай, фанернай і запалкавай. Робіцца выснова, што найбольшае развіццё на тэрыторыі Заходняй Беларусі атрымалі дрэваапрацоўчая і фанерная галіны прамысловасці. Адзначана, што большасць прадпрыемстваў лясной прамысловасці з’яўляліся дробнымі, працавалі на мясцовай сыравіне і былі арыентаваны на экспарт. У артыкуле прасочаны ўплыў замежнага капіталу на дрэваапрацоўчых прадпрыемствах польскіх акцыянерных кампаній.