Сельскагаспадарчае развіццё Брэсцкай вобласці ў 1939–1941 гг.

Анатацыя

У артыкуле разглядаюцца і аналізуюцца першасныя мерапрыемствы савецкай улады ў галіне сельскай гаспадаркі Брэсцкай вобласці пасля ўз’яднання Заходняй Беларусі з БССР восенню 1939 года ўключна да пачатку Вялікай Айчыннай вайны. Пры гэтым галоўная ўвага надаецца характарыстыцы тых мерапрыемстваў, якія былі накіраваны на абмежаванне эканамічнай свабоды і гаспадарчай самастойнасці селяніна і стварэнне адпаведных умоў для развіцця сялянскай гаспадаркі па сацыялістычным (калгаснам) шляху. Падсумоўваюцца эканамічныя і сацыяльныя наступствы аграрных пераўтварэнняў, якія, на думку аўтара, супярэчылі прыроджанай сутнасці сялянскага ўкладу жыцця і мелі яскравы антысялянскі характар.