Сучасная айчынная гістарыяграфія беларуска-польскіх адносін ў гады Другой сусветнай і Вялікай Айчыннай войнаў

Аннотация

У артыкуле аналізуюцца працы беларускіх даследчыкаў, прысвечаныя беларуска-польскім адносінам у гады Другой сусветнай і Вялікай Айчыннай войнаў. Гістарыяграфічны агляд сведчыць, што шэраг пытанняў вылучанай тэмы атрымалі асвятленне ў айчыннай гістарыяграфіі. Такія пытанні, як дзейнасць Арміі Краёвай на тэрыторыі БССР, удзел беларусаў у польскіх узброенных фарміраваннях, сталі прадметам дыскусіі ў навуковых колах. Адначаецца, што вывучэнне разнастайных аспектаў тэмы неабходна праводзіць з улікам канкрэтна-гістарычных абставінаў, сукупнасці праблем, якія бяруць пачатак да Другой сусветнай вайны. Аналіз і абагульненні павінны быць аб’ектыўнымі, свабоднымі ад замоўчванняў і перабольшванняў, раскрываць усе бакі праблемы.